【揀盒裝豆腐要有機！？】營養師醒你揀豆腐必學貼士！

而家好多人都愈來愈識食 ─ 好味同健康呢兩樣嘢缺一不可！就好似小編身邊好多朋友咁，佢哋都實行緊減醣飲食，豆腐低卡、低醣又有豐富植物蛋白質～唔單止會比較有飽足感，而且仲可以喺減重嘅同時維持住肌肉嘅質量?！又唔怕食得過多熱量～簡直就係健康嘅Best Buddy！最方便就係揀盒裝豆腐，總會擺定一兩盒喺雪櫃看門口，可以一撕即食，簡直係懶人恩物！不過有咁多選擇，究竟應該點揀？營養師王敏寧（Mandy）就分享咗一啲揀豆腐貼士，快啲睇下佢點講啦！

#【1】採用一級有機大豆

Photo from HolidaySmart

選擇豆腐時，大豆當然係最重要嘅元素， 一直以來，小編發現大部分盒裝豆腐都係非基因改造大豆，咁究竟點樣可以揀得再精明啲呢？ 小編見有時喺外國見到嘅豆腐除咗係用「非基因改造大豆」外，仲係用「有機大豆」，再深入請教Mandy Wong先明白原來「非基因改造大豆」都唔一定係「有機大豆」，如果想食得優質啲又健康啲，就要識選擇。因為有機大豆除咗一定係「非基因改造」外，種豆嗰陣無加任何化學農藥或者化學肥料，所以成份健康又食得安心，味道都會更重豆味。小編睇晒大部分超市，搵到原來維他奶山水有機豆腐系列正正用緊「一級有機大豆」 ， 以維他奶山水蒸煮有機嫩豆腐為例，所採用嘅大豆唔單止係非基因改造，更係一級有機大豆！不含化學農藥，無論質量、色澤同水分都屬於最高級別！食起上嚟就更加安心更加健康！

#【2】附有有機認證標籤

Photo from HolidaySmart

大家成日以為「非基因改造大豆=有機」，唔係㗎！大家可以睇下包裝有冇有機認證標籤，例如USDA ORGANIC，Mandy話要得到任何有機認證標籤之前要經過繁複認證程序。市面咁多豆腐選擇之中，小編就搵到維他奶山水有機豆腐系列有USDA ORGANIC認證，要得到此認證，Mandy話除咗大豆之外，製作過程同埋其他材料等都要達到95%有機先可以用上呢個標籤！有認證就唔使懷疑Quality啦！小編就對維他奶山水煎釀有機滑豆腐情有獨鍾，煮有機豆腐豚肉生薑燒好滋味！

#【3】無添加防腐劑

Photo from HolidaySmart

豆腐好易變壞，同街市豆腐檔嘅散裝豆腐相比，Mandy就提醒盒裝豆腐相對地擺得耐啲，皆因技術進步，就算唔加防腐劑，好多盒裝豆腐都可以達到保鮮效果。小編就見到維他奶山水煎釀有機滑豆腐、宗家府蒸煮豆腐、壹品有機黃豆豆腐同百福濃豆板豆腐等都無加防腐劑！
#【4】鈣質含量高

Photo from HolidaySmart

小編知道唔鍾意奶／對奶敏感嘅人，甚至係Vegan，未必餐餐食到深綠色蔬菜嚟吸收鈣質，所以揀豆腐就最啱啦。不過Mandy 就糾正返唔係款款凝固劑都可以提供鈣質，所有豆腐唔一定高鈣。如果大家想知包裝豆腐有冇鈣質，直接望下營養標籤就得！小編見到原來只有維他奶山水有機豆腐系列有標明鈣含量，當中維他奶山水有機硬豆腐每100g可提供200mg鈣質，只要食半盒就已經等於攝取一杯奶嘅鈣含量，所以鈣量都好高。

Photo from HolidaySmart

綜合嚟講，維他奶山水有機豆腐系列用咗一級有機豆新鮮製造，仲要有機認證標籤，無添加防腐劑，仲要鈣質含量高，所以小編真心推薦呢個系列！下次揀豆腐嗰陣，就記得Mandy講過嘅貼士啦～食得又健康又安心簡直零難度啦！

營養學家王敏寧

以「營養共享」為理念，積極推廣健康飲食。不著重食物的「卡路里」，只講求食物是否合「營」合「理」。著有書籍《飲食陷阱》，希望把營養學概念深入淺出，教大家如何吃得活得更Mindful。

Text: HolidaySmart editorial
Photo source: HolidaySmart, Vitasoy Sansui

*本文章的圖片均經其本人或其公司授權，其他媒體不得轉載