黎耀祥淪落內地街頭賣藝？！盤點5名男星為呃like 抖音有幾騎籬！

Digital Editor

視帝黎耀祥出道近40年，參演過多套經典劇集，佢近年多到內地發展事業，亦高度參與當地社交媒體。日前，佢疑似被拍到在街頭賣藝，引起網民熱議。

Photo from 黎耀祥微博

黎耀祥淪落內地街頭賣藝？

57歲黎耀祥曾三奪TVB視帝寶座，進入收成期嘅佢，現時有減產跡象，自2017年起維持一年一劇，而今年就拍了《拳王》。近年，黎耀祥多了北上發展，早前亮相內地綜藝《開拍吧電影》，又開通了抖音帳戶。

Photo from 黎耀祥微博

不過，近日內地網流傳一段影片，顯示黎耀祥在寒冷街頭嘅小販檔彈結他。佢穿著黑色羽絨外套，被指身處安徽省亳州市，坐喺摺櫈彈奏吉他。佢前方亦擺放了桌子，上面放滿Ukelele、口風琴等，有可能係售賣樂器嘅嘅地攤佈置。

Photo from 黎耀祥抖音

影片曝光後，不少網友都睇到心酸，指貴為視帝嘅黎耀祥淪落街頭孤獨賣藝，無人問津，始乎在內地發展不順。

Photo from 黎耀祥抖音

但實情並非如此，有關影片其實來自黎耀祥本人嘅抖音，佢在抖音發佈了呢條「街頭賣藝片」，現時在廣東中山定居嘅佢最近到了安徽亳州旅遊，並在影片帖文中寫道：「一首有故事的歌，我也來湊下熱鬧。」相信佢只係閒逛期間見到樂器攤販，心血來潮才讓小販借樂器畀自己演奏一曲而已。

Photo from 黎耀祥抖音

黎耀祥短片雖然引起小誤會，但成功引起話題。近年，不少香港明星為了在內地獲更高關注度，都會透過抖音上載「出位」行為嘅影片。以下就帶大家睇下呢4位男星為咗帶旺人氣，喺抖音有咩搞作！

近期熱話絕對係陶大宇演唱劉德華嘅《倒轉地球》，其實佢早於九月已開始在抖音發佈多條「勁舞片」，大騷舞技。除了「酷蓋翻手舞」，佢亦試過用雙手交叉亂舞，雙腳同時配合，猶如演繹一組動態DNA螺旋結構，經典程度不亞於「水撥手勢」。

Photo from 陶大宇微博

同黎耀祥一樣都係三屆視帝嘅羅嘉良去年開設抖音，佢曾以一身獨特造型與一對網紅夫婦進行直播介紹產品，又大玩不同挑戰。佢曾挑戰「吞拳頭」，並直接將握成拳頭嘅手塞入口部，呈現「吃手手」畫面，食到面容扭曲都無所謂，真係毫無架子！

Photo from 羅嘉良微博

今年中內地抖音曾興起一陣「東南亞吊鏈舞」熱潮，拍攝者需在耳朵及嘴唇掛上超粗鐵鏈，隨洗腦音樂起舞。男星陳浩民都有樣學樣，將銀鏈掛耳同時含在口中，手舞足蹈咁跳舞，表情相當得戚。

Photo from 陳浩民微博

吳啟華嘅路線同上述幾位男星稍有不同，比起亂舞，佢始乎更喜歡玩集體回憶，佢邀請粉絲同佢合拍挑戰，重演《九品芝麻官》中方唐镜「彈出彈入」一幕，佢身穿現代便服，頭戴清朝帽，以誇張表情與動作彈來彈去，並寫道「#來打我呀」，在影片最後亦好認真咁化埋受傷妝，扮被人打。

Photo from 吳啟華抖音

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel