佐藤健訪港，Do姐超快反應執生神救場！主持功力深厚獲讚賞
Photo from ViuTV
日本男星佐藤健首度訪港！
日本男演員佐藤健拍攝嘅Netflix影集《First Love 初戀》，喺亞洲多地都大受歡迎，最近佢就嚟咗香港，出席首飾限定店活動。由於佐藤健係第一次來港，因此都有大批fans到場支持偶像。
Photo from Netflix
同場嘅仲有ERROR成員193，大會更邀請咗Do姐擔任活動主持人，而Do姐亦不愧係擁有多年經驗嘅主持人，佢喺活動上完美救場獲激讚！
Photo from ViuTV
佐藤健遲遲未出場，Do姐即執生救場
原來喺佢請佐藤健登場時，對方卻一直都無現身，眼見fans歡呼過後偶像仲未現身，場面逐漸變得尷尬，Do姐即執生先介紹自己身上價值$400萬元嘅珍珠鑽石首飾，之後又請193上台同佢傾下品牌首飾嘅話題。
Photo from ViuTV
Photo from ViuTV
當嘉賓都準備好後，Do姐再請佐藤健，今次佢終於出場！佢一登場即掀起fans熱情歡呼，佐藤健亦好有心咁用廣東話同大家打招呼：「大家好，我係佐藤健。」活動後Do姐接受訪問時提到即時執生，佢笑言：「唔係點會咁貴請我！」
Photo from ViuTV
Photo from ViuTV
Do姐主持經驗豐富，控場能力超強
Do姐擔任過不少大型綜藝節目司儀，佢豐富嘅主持經驗曾經喺港姐決賽上為一班司儀同佳麗打圓場，令場面唔尷尬之餘，又唔會搞到成個環節超時，控場能力超強！
Photo from TVB
早前另一位日本男星山P（山下智久）訪港，Do姐亦有份訪問對方，佢哋以全英文交流，網民都大讚Do姐同山P英文十分流利，現時Do姐開咗個人youtube channel，唔少人都期待佢會搵一啲巨星做嘉賓。
Photo from The Do Show
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港姐泳衣問答環節 Do姐多次完美打圓場 麥明詩大呻：唔公平啊！
27 Aug 2018
琴晚港姐決賽嘅泳衣問答環節分咗3 parts進行，3 parts都由Do姐加2位主持進行，分別為蕭正楠同曹永廉、麥明詩同馮盈盈、農夫，3組主持人都各有特色，3組主持人入面，除咗農夫，其他2組都係直播主持嘅新手，好多需要臨場發揮嘅地方都未必夠純熟，所以不論係同Do姐定候選佳麗都擦出唔同嘅火花，為該環節增加唔少爆點啊！而Do姐亦都發揮佢嘅絕頂聰明才智，多次為佳麗同其他主持人打圓場！
首先係第一部分，Do姐夾曹永廉+蕭正楠：
Photo from TVB
3號梁致欣 Jenny Leung
Photo from TVB
3號Jenny一出場，蕭正楠就問對方認唔認識身邊嘅曹永廉，Jenny亦好快回答當然認識。蕭正楠就隨即發揮平時同曹永廉相處模式，亦即係一路串曹永廉一路問Jenny：「拿佢喺娛樂圈打滾咗20幾30年啦，最近呢一兩個月先有人認識佢，如果你俾個方法佢，可唔可以短時間唔好晒咁多青春可以爆紅呢？」
Photo from TVB
喺Jenny未出聲之前，曹永廉就即刻好似平時咁搶先反駁老友：「唔係首先！我依家廿幾年我覺得快㗎啦喎已經。」蕭正楠隨即反問：「係咩？」
Do姐即刻中斷佢睇嘅對話，幫Jenny爭取番回答嘅時間：「你唔好阻住人答，Jenny你點睇啊？」
4號鄧美欣 Venus Tang
Photo from TVB
一開始，曹永廉就叫Venus教佢哋點樣推一部唔想拍嘅劇，Venus答完之後，曹永廉就接住問：「如果再有個機會有個你唔想做嘅角色你會點同監製推呢？」Venus就即刻被lead住回答：「我會同佢講我嘅強項係喺另一邊...」
Photo from TVB
Do姐就問多一句：「可能放咗你入雪櫃㗎喎你咁樣推法，你怕唔怕呢？」
曹永廉就接話：「係囉你啱啱選完美出黎，幾歹都唔推啦！」Venus一陣傻笑，然後靜咗，Do姐見狀就即刻圓場話：「乜嘢機會都要把握，多謝你！」
第2part就黎到2位師姐麥明詩同馮盈盈喇！
Photo from TVB
11號李明芙 Samantha Li
Photo from TVB
麥明詩根據Samantha之前讀嘅科目 - Social Justice去問問題，當中有一條問道：「你覺得今晚除咗你之外有邊一個佳麗贏咗，你覺得係唔公平㗎？唔準講自己喎」
Photo from TVB
Samantha當堂口啞啞咗幾秒，Do姐首先黎第一個圓場：「可以答無嘅...」Samantha努力想回答：「我覺得...」Do姐再次救亡：「唔洗俾人逼嘅」同時間，Samantha已經講咗個名出黎：「Honey...」Do姐即刻擋住話：「唔好講名啦係啦」
Photo from TVB
麥明詩就即刻配合番呢為佳麗嘅主題話：「哎呀Do姐咁nice嘅，我覺得咁唔公平啊，我選嗰陣Do姐無咁...」Do姐亦都秒回：「咁你都選到囉，你仲想點姐，你係香港小姐黎㗎嘛！」隨即引來全場鼓掌大叫。
Photo from TVB
Do姐4度打圓場亦同時教路話：「無人唔公平，個個都有機會，多謝你」麥明詩即刻面露尷尬笑容。
Photo from TVB
Photo from TVB
最尾第3 part相信都係大家睇得最舒服嘅，因為係老拍檔Do姐+農夫嘅組合！雖然無咩哈碌位，但係就有唔少位係show到Do姐有幾幽默、智慧有幾神喇！
Photo from TVB
16號黃子桐 Rachel Wong
Photo from TVB
C君問Rachel：「我哋嘅港姐冠軍就獲得3份獎品喇，包括后冠、權杖、披風，如果今屆俾你攞到冠軍，可以攞多一樣嘢你會想攞咩呢？任你想像。」
Photo from TVB
Rachel就回答話：「一個鑽石耳環喇～」Do姐即刻講話：「一個鑽石耳環姐，唔愛一對」「俾一對都唔愛啊」
Photo from TVB
17號陳曉華 Hera Chan
Photo from TVB
被農夫問到：「Lisa姐、Do姐、家燕姐一齊選港姐，你覺得邊個會攞冠軍呢？」咁Hera就回答：「根據番今屆嘅規則，我都係投選一個心水冠軍嘅，咁我都係揀家燕姐，因為佢嘅笑容係好燦爛，好似太陽咁溫暖。」C君就接話：「你都未當選就得罪咗Do姐喇！」
Photo from TVB
Do姐即刻出題考Hera：「係...咁你覺得我應該 係亞軍定季軍呢？」全場即刻呼叫！
Photo from TVB
Do姐果然係好有豐富嘅經驗，完美幫幾位新手主持同候選佳麗打圓場啊！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
