李龍基承諾未婚妻出冊即擇吉日迎娶 爆Chris內地有1800呎單位？！

現年73歲李龍基的36歲未婚妻王青霞（Chris），早前因涉逾期居留、使用虛假文等罪，被判入獄25個月。對此癡情的李龍基曾痛哭表示：「（結婚承諾）一定不會變。」而近日李龍基出席活動接受訪問時就再提起未婚妻，透露未婚妻將於明年7月出獄，同時更大談未來與Chris的2大計劃，將吉日迎娶愛人？！

Photo from IG：@chrisart1017

Photo from TVB圖片

李龍基近日出席活動接受訪問，當中有透露未婚妻Chris將於明年7月7日重獲自由好消息，另外他亦有分享Chris的近況，指對方現時在獄中消瘦了10幾磅，雖然每月可探望對方兩次，但仍然讓他非常肉痛，更提到Chris經常說好掛住「老公仔」，看來兩人甜蜜關係依然！

Photo from TVB圖片

其後李龍基又說到Chris出獄後的2大未來計畫，首先他指出Chris出獄後會遣返內地，暫時不能再來香港，所以兩人將挑選吉日於深圳註冊結婚，屆時Chris便可以用另一個身份再申請來港。李龍基說：「我會喺深圳嗰度接佢，暫時嚟講可以話係安排好晒，等佢出嚟之後重新去生活，希望有個美好嘅將來。（會唔會以後生活重心放喺深圳？）暫時佢係落唔到嚟嘅，一定要改變佢嘅身份，我會盡快同佢去註冊結婚，咁佢用李龍基太太呢個名義呢，我就可以幫佢申請落嚟（香港）。咁變咗個身份就唔同好多喇，差好遠。（有無話擇咗邊日？請親戚好友？）未擇日，但係已經有好多朋友話要去深圳嚟同我祝賀，我好開心。到時我唔會話點樣大搞，我哋會好低調，唔使封禮，我請就得。（一出嚟即刻去註冊結婚？）我迷信少少，都係要搵人擇日。」

Photo from IG：@chrisart1017

至於第2個計劃，李龍基就提到兩人婚後會住在佛山一個1,800呎單位，他指這個單位是Chris父親曾因擔心她嫁不出，而買給她作姑婆屋用的住宅。李龍基指雖然有不少好友都表示要去內地參加二人的婚禮，但他希望婚禮能夠低調地舉行，在婚後他將會香港、佛山兩邊走。

Photo from IG：@chrisart1017

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）